Баулыда сезонлы гриппка каршы прививка ясый башладылар

Үзәк район хастаханәсенә (ЦРБ) сезонлы грипптан вакцинаның беренче партиясе кайткан инде.

Бүгенге көндә район хастаханәсенә олылар өчен 2400 вакцина кайткан, аларны укытучыларга, хроник авырулар булган затларга, шулай ук йөкле хатын-кызларга ясата башлаганнар.

Вакцинация гриппны булдырмый калырга яки аны җиңелрәк формада үткәрергә ярдәм итә.

Хезмәт бурычларын үтәгән вакытта күп кеше белән элемтәгә керергә туры килгән һәркемгә - укытучылар, медицина хезмәткәрләре, кондукторлар, автобус маршрутлары йөртүчеләргә вакцина ясарга кирәк. 

Вакцинация процедура кабинетында үткәрелә. Балаларга прививкалар балалар консультациясендә ясала, ә өлкәннәргә - поликлиниканың өченче катында.

Грипптан вакцинация федерация акчалары исәбенә бушлай уздырыла.