Баулы районында Татарстан Республикасы спорт министры булып китте
Баулы районына эш визиты белән Татарстан Республикасының спорт министры Владимир Леонов килде. Ул берничә спорт объектында булды һәм Татар Томбарлы авылында спорт мәйданчыгын ачуда катнашты.
Баулы районына сәфәре барышында Владимир Леонов «Өч тау» чаңгы базасында, шәһәр бассейнында, «Иволга» стадионында булды. Аннары «Нефтьче» ябык шәһәр бассейнында булды. Биредә ТР спорт министры районның тренерлары һәм спортчылары белән очрашты.
Очрашу барышында Владимир Леонов Татарстан Республикасының физик культура һәм спорт өлкәсендә күпьеллык хезмәте һәм спорт резервын әзерләү өчен район тренерларын «Татарстан АССР»ның 100 еллыгы» истәлекле медале белән бүләкләде. Спорт министры кулыннан бүләкләрне тренер Фәнил Төхбатуллин, Миргалим Фәхриев, Николай Коротаев, Сергей Кабаков алды. Шулай ук «Хезмәткә һәм оборонага әзер» Бөтенроссия физкультура-спорт комплексының алтын билгесен Вотчинниковлар гаиләсе һәм «Александровская СОШ» физкультура-спорт укытучысы Лилия Старикова алды.