Баулы шәһәр суды ветераны зур юбилеен билгеләп үтте
Баулы районының мактаулы гражданины, ТРның атказанган юристы Мохтар Афзалов 85 яшьлек юбилеен каршы алды.
Мохтар Афзалович күп еллар Баулы шәһәр судында эшләде, башта судья, аннары 1970 елның декабреннән 1996 елның апреленә кадәр - аның рәисе булып.
1995 елда Мохтар Афзаловка Татарстан Республикасының атказанган юристы исеме бирелә. Озак еллар дәвамында гадел хөкем ителеп, Мохтар Афзалович суд хакимияте абруен ныгытуга зур өлеш кертте.
Юбилярны район башлыгы Рамил Гатиятуллин, Баулы шәһәр судының хәзерге рәисе Артур Зиннуров котлады. Ул үзенең коллективы, ТР суд департаменты идарәсе исеменнән иң изге теләкләрен җиткерде.
Бу истәлекле көндә Мохтар Афзалович Баулы районының 90 еллыгына, ТАССРның 100 еллыгына багышланган медаль, шулай ук ТР Югары суды җитәкчелегенең юбилей медале белән бүләкләнде.
Моннан тыш, аңа ТР судьялары советының рәхмәт хаты тапшырылды.