Татарстан Росреестры: йортның максатын ничек үзгәртергә?
Бакча участогында башта дача төзеп, аннан аны яңадан җиһазландырып, ел буе яшәрлек иткән очраклар еш була. Моңарчы бакча йорты билгеләнешен үзгәртү проблема иде.
Кагыйдә буларак, аны суд тәртибендә хәл итәргә туры килде. Әмма, узган елның гыйнварыннан бирле гамәлдә булган бакчачылык һәм яшелчәчелек турындагы канун ярдәмендә бакча йортын торак йорт дип тану мөмкинлеге каралган.
Шулай итеп, хәзерге вакытта йорт хуҗасына җирле үзидарә органына (күчемсез милек объектының урнашкан урыны буенча башкарма комитет) түбәндәге документларны тапшырырга кирәк:
- гариза, бакча йортына яисә торак йортка хокукый билгели торган документны йә Бердәм дәүләт күчемсез мөлкәт реестрыннан өземтәне (тәкъдим итү мәҗбүри түгел);
- объектның техник торышын тикшерү бәяләмәсе;
- Бакча йорты торак йорт дип танылган очракта, объектның техник торышын тикшерү буенча бәяләмә кирәк, ул бакча йортының "Биналарның һәм корылмаларның иминлеге турында техник регламент" Федераль законның 7, 8 һәм 10 статьяларында билгеләнгән ышанычлылык һәм куркынычсызлык таләпләренә туры килүен раслый. Әлеге бәяләмә инженер эзләнүләре өлкәсендә үз-үзен җайга салучы оешма әгъзалары булган индивидуаль эшкуар яисә юридик зат тарафыннан бирелә.
- Өченче затларның (әгәр күчемсез милек объекты әлеге затларның хокуклары белән киселгән булса) нотариаль таныкланган ризалыгы.
Документларның тулы исемлеге белән турыдан-туры башкарма комитетларның рәсми сайтларында танышырга мөмкин.