Татарстанда илкүләм проект буенча 200 км дан артык автомобиль юллары ремонтланачак

2020 елның 29 апреле, чәршәмбе

«Имин һәм сыйфатлы автомобиль юллары» илкүләм проекты буенча эшләргә дәүләт контрактлары  84 объектка төзелгән.

Татарстанда 2020 елда «Имин һәм сыйфатлы автомобиль юллары» илкүләм проекты буенча төбәк һәм җирле әһәмияттәге 220 км автомобиль юлларын ремонтлау планлаштырыла. 

84 объектта төзү-монтаж эшләрен башкаруга дәүләт контрактларыннан тыш, 2020 елда тормыш циклы буенча 19 контракт төзелгән, бу исә әлеге автомобиль юлларын ремонтлау гына түгел, ә карап тоту да күздә тотыла.