ЮХИДИ штрафлары турында дәүләт хезмәтләре порталыннан белергә мөмкин

Хезмәт алу өчен автомобильнең дәүләт номерын һәм транспорт чарасын теркәү турында таныклык номерын белергә кирәк.

ЮХИДИ штрафлары турында дәүләт хезмәтләре порталында мондый мөмкинлекне бирә башлаганнан бирле 49 мең татарстанлы белде. Бу хакта республика Дәүләт автоинспекциясендә хәбәр иттеләр.

Дәүләт һәм муниципаль хезмәтләр порталында бу сервис 2019 елның августыннан эшли һәм барлык Татарстан автомобиль хуҗаларына 2 минут эчендә ЮХИДИ штрафлары турында бушлай белергә мөмкинлек бирә. 

Инструкцияне Татарстан Республикасы дәүләт һәм муниципаль хезмәтләр порталында алырга мөмкин (uslugi.tatarstan.ru, "ЮХИДИ хезмәтләре" бүлегендә).