Татарстан волонтерлары өлкән яшьтәге кешеләргә булыша
Коронавирус пандемиясе чорында 65 яшьтән өлкәнрәк республика халкына өйдән чыкмаска, чит илдән килгән кешеләр белән аралашмаска, кулларны ешрак юарга киңәш ителә.
COVID-19 коронавирус инфекциясе таралу сәбәпле, Татарстанның өлкән яшьтәге кешеләренә үз йортларыннан чыкмаска киңәш ителде. Бу вакытта 65 яшьтән өлкәнрәк кешеләргә азык-төлек һәм кирәкле даруларны туганнары, танышлары һәм күршеләре, ә ялгыз яшәүче өлкәннәргә - волонтерлар һәм социаль хезмәткәрләр алып киләчәк.
65 яшьтән өлкәнрәкләр, тәмәке тартучылар, шулай ук җитди хроник авырулары булган гражданнар хәвеф төркеменә керә. Бу хакта турыдан-туры эфир кысаларында ТР Сәламәтлек саклау министрлыгының эпидемиология һәм иммунопрофилактика буенча баш белгече Дмитрий Лопушов сөйләде.
Коронавирус белән зарарлану һәм авыр өзлегүләр ешрак 65 яшьтән өлкәнрәк кешеләрдә күзәтелә.
COVID-19 таралу куркынычы янау сәбәпле, ТР Хезмәт, халыкны эш белән тәэмин итү һәм социаль яклау министрлыгы башлыгы Эльмира Зарипова Татарстанда яшәүче өлкән яшьтәге кешеләрне торак-коммуналь хезмәтләр өчен ай саен акча-субсидияләр рәсмиләштерергә чакырды.