2020 елга электрон хезмәт кенәгәләренә күчү булачак

2020 елның 27 феврале, пәнҗешәмбе

Быел Татарстанның һәр эшләүче кешесе тормышында яңа этап – электрон хезмәт кенәгәләренә күчү белән очрашачак.

2020 елның 1 гыйнварыннан Россиядә электрон хезмәт кенәгәсе – барлык эшләүче россиялеләргә яхшы таныш документның яңа форматы кертелә. Электрон китапчык хезмәткәрләрнең үз хезмәт эшчәнлеге турындагы мәгълүматтан уңайлы файдалануны тәэмин итәчәк, ә эш бирүчеләргә кадрлар исәбенең яңа мөмкинлекләрен ачачак. Шунысын да билгеләп үтәргә кирәк, хезмәт кенәгәсенең яңа форматына күчү ирекле һәм кәгазь кенәгәсен дә саклау мөмкинлеге бирә.

Россия Федерациясе Пенсия фондының Татарстан Республикасы Баулы шәһәре, Баулы һәм Ютазы районнары буенча идарәсе башлыгы Станислав Николаевич Тимофеев яңалыкның детальләрен аңлатты.