Яшь баулылар юл хәрәкәте кагыйдәләре турында белемнәрен тикшерделәр

2020 елның 29 гыйнвары, чәршәмбе

Баулы агрокөллиятендә ТАССРның 100 еллыгына багышланган «Юл лабиринтлары» танып-белү эстафетасы узды.

Эстафетаның темасы Юл хәрәкәте иминлеге, юллардагы аварияләрне булдырмау кагыйдәләрен үтәү булды.

Эстафетада өч команда ярышты. Аларга алты бирем үтәргә туры килде: «Юл лотосы», «Хатаны тап», «Бензоправка», «Машина йөртүче, җәяүле», «Автомобиль аптечкасы» һәм «Бала – төп пассажир».

Ярышлар барышында командалар көч һәм җитезлектә, зирәклектә, тизлектә генә түгел, ә юл грамотасында да көч сынаштылар. Командалар үзләренең «Юл әлифбасы»н ни дәрәҗәдә яхшы белүләрен, юл хәрәкәте кагыйдәләрен белүләрен, юл билгеләрен киңәйтә белүләрен, шулай ук аларның ни дәрәҗәдә күзәтүчәнлеген, тапкырлыкларын һәм активлыкларын күрсәттеләр.