Баулыда салкын су күрсәткечләрен бирү өчен телефон номеры үзгәрде

2020 елның 20 гыйнвары, дүшәмбе

Гыйнвардан башлап күп фатирлы йортларда яшәүчеләрдән салкын су буенча күрсәткечләрне Баулы шәһәренең идарәче компаниясендә 5-10-05 телефоны аша (8.00 дән 17.00 гә кадәр, төшке аш вакыты - 12.00 дән 13.00 гә кадәр), шулай ук «Вконтакте» социаль челтәрендәге идарәче компания төркеме аша кабул итә башладылар.

Торак милекчеләре ширкәтенә караган йортларда яшәүчеләр өчен барысы да элеккечә калды: счетчиклар күрсәткечләрен 5-50-20 телефоны аша тапшыралар яки һәр айның 23еннән 25енә кадәр ватсапка юллыйлар.

Шәхси йортларда яшәүчеләр салкын суны исәпкә алу приборларының күрсәткечләрен һәр айның 20-25 саны 5-18-09 номеры буенча, төшке ашка тәнәфессез, 8.00 дән 20.00 гә кадәр тапшыра.

Фото: "Баулы-информ" МА.