Баулы районы башлыгы мәктәп директорлары белән очрашты

2019 елның 10 октябре, пәнҗешәмбе

Бүген, 10 октябрьдә, Баулы муниципаль районы башлыгы Рамил Гатиятуллинның мәктәп директорлары белән еллык очрашуы булды.

Очрашуда дүрт шәһәр һәм биш авыл мәгариф учреждениеләре җитәкчеләре катнашты. Мәктәпләрне комплектлау, матди-техник тәэмин итү мәсьәләләре күтәрелде, ТДИ һәм БДИ нәтиҗәләре, шулай ук укучыларның олимпиада хәрәкәтендә катнашуы турында фикер алышынды.

Башка шәһәр һәм авыл мәктәпләре директорлары белән очрашу сишәмбе көнгә планлаштырылган.