Баулылар "Безнең заман" фестиваленең зона этабында җиңү яулады

2019 елның 7 октябре, дүшәмбе

Узган ял көннәрендә Әлмәттә "Наше время - Безнең заман" яшьләр фестиваленең зона этабы узды. Анда баулылар - җырчылар һәм биючеләр уңышлы чыгыш ясадылар.

«Музыка» номинациясендә Баулы районыннан биш вокалчы катнашты. Нәтиҗәдә, Лилия Мәҗитова – беренче, Регина Гатина һәм Руслан Фәррахов – икенче, Айрат Хөсәенов өченче урынны алды. Баулы данын шулай ук Ленир Дәүләтшин яклады, ул катнашучы дипломы белән бүләкләнде.

«Баулынефть» нефть-газ чыгару идарәсенең хореография коллективы да (җитәкчесе Ландыш Нәҗмиева) үз осталыгын күрсәтте. Аларның биюе икенче урынга лаек булды.

Хәзер баулылар ноябрьдә Казанда узачак гала-концертка әзерлекне башлыйлар.