Баулылар Казанда мәктәп хакатонында катнаштылар

2019 елның 2 октябре, чәршәмбе

Баулы шәһәренең дүрт мәктәбе укучылары "Цифрлы алгарыш " конкурсының финалы кысаларында узган мәктәп хакатонында катнаштылар.

«Казан Экспо» МКҮдә «Цифрлы алгарыш» Бөтенроссия конкурсы финалы кысаларында узган мәктәп хакатонына йомгак ясадылар. Анда программалаштыру белән мавыккан 8-11 сыйныф укучылары, шул исәптән Баулы шәһәренең 2, 3, 6 һәм 7нче мәктәпләре командалары катнашты.

Укучылардан биремнәрне үтәү өчен компьютерларны профилактикалау өчен программалар белән эш итү тәҗрибәсе, информатика буенча программалаштыру күнекмәләре, шул исәптән роботларны программалаштыру һәм башкаларны белү кирәк иде.

Баулылар җиңүчеләр исемлегенә эләкмәде, әмма бәһасез тәҗрибә һәм финалист сертификатларын алдылар.

Фәридә Зыярова

Фото: социаль челтәрләр