Баулы «Милләтләр кроссы – 2019» бөтенроссия йөгерү көненә кушылды

2019 елның 21 сентябре, шимбә

Бүген, 21 сентябрьдә, «Милләтләр кроссы-2019» бөтенроссия йөгерү көнендә, Баулы бөтен ил белән бергә старт алды. Быел традицион спорт чарасы яңа катнашучылар белән тулыланды – беренче тапкыр стартка физик мөмкинлекләре чикле баулылар чыкты.

Көчле алкышлар астында алар " АНОСЛОВ "җитәкчесе Марат Ильясовның авторлык тренажерларында 60 метр дистанцияне узды.

Аннан соң предприятие һәм оешма җитәкчеләре, соңыннан шәһәр һәм авыл мәктәп укучылары,  предприятиеләр вәкилләре йөгерде. Кече яшьтәге балалар - 500әр, өлкән сыйныф укучылары һәм өлкәннәр - 1әр километр йөгерделәр.

Йөгерү юлына бүген барлыгы 600дән артык кеше чыкты.

 Фото:Сергей Иванов