Бөтендөнья татар конгрессының Баулы бүлекчәсендә җитәкче алышынды

2019 елның 18 сентябре, чәршәмбе

Кичә Бөтендөнья татар конгрессының Баулы бүлекчәсенең яңа рәисе сайланды.

19 елдан артык иҗтимагый оешманы уңышлы җитәкләгән Рәзинә Шараева үз теләге белән әлеге вазыйфадан китте. Бөтендөнья татар конгрессы җирле бүлекчәсенең яңа рәисе итеп Фәридә Зыярова сайланды. Баулы муниципаль районы башлыгы урынбасары Ринат Хәмидуллин, озак еллар намуслы хезмәте һәм татар телен һәм мәдәниятен саклап калуга зур өлеш кертүе өчен, Рәзинә Шараевага рәхмәт белдерде.