Милек салымы буенча мәгълүмат
1 июньнән физик затларга милек салымнары һәм НДФЛ өчен җибәрелә торган салым белдерүләре формасы үзгәрде. Хәзер аңа салымнарны бюджетка күчерү өчен мәгълүмат кертелә, шуңа күрә салым белдерүләре белән түләү документлары (ПД формасы буенча квитанцияләр) җибәрелмәячәк. Шулай итеп, үзгәртелгән формада түләүнең тулы реквизитлары һәм уникаль идентификатор бар, ул мәгълүматны автомат рәвештә, шулай ук банк терминаллары һәм мобиль җайланмалар аша тиз арада салым түләү өчен штрих-код һәм QR-код кертергә мөмкинлек бирә.
Шулай ук салым белдерүенең яңа формасына ташламалы категория гражданнар өчен җир салымы буенча вычет турында мәгълүмат кертелгән. Яңа формада адрес, ә ул булмаган очракта - салым салына торган капиталь төзелеш объектларының һәм җир кишәрлекләренең урнашу урыннары да күрсәтелә. Яңа форма буенча салым белдерүләре салым түләүчеләргә почта аша җибәреләчәк, шулай ук, быелгы салым белдерүләрен җибәрү кампаниясе кысаларында, Россия Федераль салым хезмәтенең рәсми сайтындагы шәхси кабинетларында урнаштырыла.
Россия Федераль салым хезмәтенең Татарстан Республикасы буенча 17нче районара инспекциясе
салым түләүчеләр белән эшләү бүлеге