«Мәгариф» илкүләм проекты кысаларында өч Баулы мәктәбе мобиль сыйныфлар алачак
Татарстан Республикасы Мәгариф министрлыгы республика мәктәпләре өчен 97 мобиль сыйныф сатып алачак. Тиешле мәгълүмат дәүләт сатып алулары сайтында урнаштырылган.
«Цифрлы белем бирү мохите» программа-аппарат комплексы үз эченә бастыру, сканерлау һәм күчермә ясау өчен күп функцияле җайланмаларны, укытучы ноутбукын, интерактив тактаны, шулай ук укучылар өчен 10 ноутбукны ала.
Электрон машиналарны сатып алу федераль һәм республика бюджеты акчалары хисабына башкарыла. Контрактның максималь бәясе 58,2 млн сум тәшкил итәчәк. Техника 2019 елның 20 сентябренә кадәр мәктәпләргә тапшырылырга тиеш.
Яңа җиһазлар республиканың муниципаль районнарында 97 гомуми белем бирү учреждениесе алачак. Мәсәлән, компьютер комплектларын Яшел Үзән районының җиде мәктәбе, Арча, Биектау, Кукмара, Саба, Питрәч һәм Чирмешән районнарында дүртәр мәктәп, Баулы, Азнакай һәм Сарман районнарында өчәр мәктәп алачак.
Чыганак: https://www.tatar-inform.ru