Татарстан Росреестры - үзбелдек белән төзелгән корылмаларны законлаштыру тәртибе турында
Җир хокукы тиешенчә рәсмиләштерелгән очракта, элек төзелгән торак йортка милек хокукын ничек теркәргә була?
«Күчемсез милекне дәүләт теркәве турында»гы №218-ФЗ Федераль законның 40 статьясы 10 өлеше нигезендә бинага дәүләт кадастр исәбе һәм хокукларны дәүләт теркәве объектны файдалануга бирү турында рөхсәт һәм мондый күчемсез милек объекты урнашкан җир кишәрлегенә хокук билгели торган документ нигезендә гамәлгә ашырыла.
2017 елның 1 гыйнварына кадәр дәүләт кадастр исәбенә кую өчен ИЖС объектларына төзелешкә рөхсәт алу таләп ителде.
2004 елның 29 декабрендәге «РФ Шәһәр төзелеше кодексын гамәлгә кертү турында» 191-ФЗ номерлы Федераль законның 8 статьясы 4 өлеше нигезендә, 2020 елның 1 мартына кадәр торак-коммуналь хуҗалык объектларын файдалануга тапшыруга рөхсәт алу таләп ителми.
Төзелеш чорында җир участогын арендалау килешүенең срогы чыккан һәм төзелеш аренда срогын озайтмыйча тәмамланган очракта, бина үзбелдек белән төзелгән корылма булып торамы? Мондый корылмаларга хокукны ничек теркәргә?
Дәүләт теркәве турында законның 40 статьясы 2 өлеше нигезләмәләре нигезендә, бинага, корылмага хокук мондый объектларга хокукларны дәүләт теркәвенә алган вакытта әлеге объектлар төзү максатлары өчен бирелгән аренда шартнамәсенең гамәлдә булу срогы чыккан,ләкин әлеге күчемсез милек объектларын файдалануга тапшыру вакытында аренда килешүе срогы тәмамланмаган очракта теркәлә.
Әгәр дә бина аренда килешүе срогы чыкканнан соң файдалануга тапшырылган (төзелеп беткән) һәм төзелеш тәмамлану турында белдерү вакыт үткәннән соң җибәрелгән булса, әлеге объект үз белдек белән төзелгән корылма булып тора. Шуңа бәйле рәвештә, мондый корылмаларга милек хокукын суд карары нигезләренә теркәргә мөмкин булачак.
Төзелеп бетмәгән күчемсез милек объектларына “үз белдек белән төзелгән төзелеш” төшенчәсе кагыламы?
Әйе, кагыла. Россия Федерациясе Гражданнар кодексының (РФ ГК) 130 статьясы нигезендә төзелеп бетмәгән төзелеш объектлары күчемсез милеккә кертелгән. Әгәр мондый объектның РФ ГК 222нче статьясының 1 пунктында күрсәтелгән билгеләре булса, ул үз белдек белән төзелә дип танылырга мөмкин.