Эшчән, тырыш, тәрбияле, тапкыр һәм акыллы балалар белән курешеп танышырга теләсәгез, Баулыдагы балалар һәм яшүсмерләр өчен "СемьЯ" социаль приютына килегез!

Ял көне дип тормадылар, тору белән, ялт итеп, бүлмәләрен, ишегалларын җыештырып алдылар, "Что? Где? Когда?" уенынында акыл көчләрен сынап карадылар, шугалакта тимераякта йөреп күңел ачтылар, "Хакыйкать бәхәстә табыла" диспутында хаклыкны эзләп карадылар, приюттагы тормышлары турында фотогазета чыгардылар. Эшсез утырганнары юк, туган һәр көнне кызыклы, мавыктыргыч һәм файдалы итеп үткәрергә тырышалар! 

тәрбиче Г.Р. Батталова