Баулы шәһәрендә яшәүче Идиятуллиннар гаиләсе “алтын” туйларын билгеләп үтте. Рауф Зайнуллович һәм Любовь Григорьевна уртак тормыш юлын бер-берсенә таяныч, ышаныч булып, бер-берсен саклап, хөрмәт итеп үтәләр. Идиятуллиннар матур хезмәт юлы үткәннәр, ике бала тәрбияләп үстергәннәр, 5 оныклары бар.
Юбилярларны ГХАТ бүлеге специалисты А.Р.Әхмәтова, “Баулынефть» идарәсенең профком оешмасы рәисе Р.З.Муллаев, “Баулы УТТ” идарәсе профком оешмасы рәисе Р.Р.Халфиев котладылар.Мәдәният йорты солисты Г.Абдуллина юбилярларга үзенең җырларын бүләк итте.