Баулыда берничә бүлек яңа бинага күчтеләр

Район башкарма комитеты тулы составта диярлек Куйбышев урамындагы 20нче йорт адресы буенча урнашкан яңа бинага күчте.

Иске бинада (Җиңү мәйданы, 4) мәдәният, опека һәм попечительлек бүлекләре, административ комиссия, балигъ булмаганнар эшләре комиссиясе калды. Алар янына спортны үстерү һәм яшьләр эшләре бүлекләре күченде. Шәһәр башкарма комитеты элекке урынында кала. Социаль яклау бүлеге идарәсенең дә адресы үзгәрми. Бүгенге көндә яңа бинага район советы аппараты күчә.

Шуның белән бәйле рәвештә, барлык җитәкчеләр һәм бүлекләрнең телефон номерлары үзгәрәчәк, ләкин күчү этабында иске номерларга шалтыратырга мөмкин.