Баулы муниципаль районы башлыгы Рамил Гатиятуллинның Яңа ел котлавы

Яңа ел белән! Кадерле якташлар!

2016 ел тарихта калып бара. 2017 ел бусагасында без узган елга йомгак ясыйбыз һәм киләчәккә планнар корабыз. Узып баручы ел җиңелләрдән булмаса да, аны без яхшы гына нәтиҗәләр белән төгәллибез. Ул мөһим, кызыклы вакыйгаларга бай булды. Баулы нефтенең 70 еллыгы баулылар өчен генә түгел, бар Татарстан нефть тармагы өчен әһәмиятле вакыйга булды. Без нефтьчеләр династияләре хезмәтләре белән хаклы рәвештә горурланабыз. Чөнки Татарстан нефте тарихы нәкъ менә Баулыдан башланган.

Без узган елда Бөек Ватан сугышында җиңүнең 71 еллыгын үзгә бер хис һәм дулкынлану белән билгеләп үттек. Без сугыш ветераннары һәм тыл хезмәтчәннәре белән хаклы төстә горурланабыз.

Безнең район тотрыклы үсеш курсын дәвам итте, һәм монда һәр кешенең роле бар. Без куелган максатларга бергәләп ирештек, кече Ватаныбыз иминлеге өчен бергәләп эшләдек. Туган төбәгебез иминлеге өчен хезмәт куйган, көндәлек хезмәте белән уртак эшебез уңышына өлеш керткән бар кешегә рәхмәт белдерәм.

Кадерле баулылар!

Республикабыз президенты, Татарстан Дәүләт Советы, Баулы муниципаль районы Советы, башкарма комитетлар һәм шәхсән үземнең исемнән барыгызны да Яңа ел белән тәбрик итәм! Әлеге бәйрәм көннәрендә без киләчәккә өмет белән карыйбыз, күңелле вакыйгалар көтәбез. 2017 ел иҗади һәм нәтиҗәле эшләр, яңа уңышлар елы булсын.