Татарстанда “Легаль булмаган мигрант” операциясе үткәрелә

Операция башланганнан бирле чит ил гражданнары яши торган 900ләп урын, 130дан артык эш бирүче һәм 650ләп чит ил кешесе тикшерелгән. Миграция законнарын бозуның 800дән артык очрагы ачыкланган. Шуның 230ы чит ил гражданнарын җәлеп итү һәм файдалану белән бәйле. 49 чит ил кешесенә карата Татарстан Республикасы судлары тарафыннан Россия Федерациясе территориясе чикләреннән административ куып чыгару турында карарлар кабул ителгән. Миграция законнарын бозучыларга 1,8 млн сум күләмендә штраф салынган.

Гомумән алганда, ел башыннан 2 меңгә якын чит ил гражданына РФ территориясенә керүгә юл ябылган, дип хәбәр итә Россия миграция федераль хезмәтенең ТР буенча идарәсе матбугат хезмәте.

tat.tatar-inform.ru