Баулы районы башлыгы Р.Х.Гатиятуллин Пасха бәйрәме белән котлады

Мөхтәрәм баулылар!

Пасха бәйрәме Бөек пост тотудан соң иң куанычлы һәм озак көтеп алган бәйрәмнәрнең берсе. Ул өмет һәм мәхәббәт уята, рухи яктан баета һәм берләштерә безне.

Бу изге бәйрәм һәрберегезның йортына тынычлык китерсен, якыннарыгыз белән аралашудан күңелегезгә шатлык алып килсен!

Мин  Пасха бәйрәмен гадәттәгечә билгеләп үтү милләтара һәм конфессияара килешү усешенә, ихтирамлыкка омтылу һәм җәмгыяттә түземлелек булдыруга сихәтле йогынты ясар дип ышанам.

Мөхтәрәм якташларыбыз! Сезгә изгелек, тынычлык, корычтай сәламәтлек, иманлык, барлык эшләрдә уңышлар теләп калам.

Рамил ГАТИЯТУЛЛИН, Баулы муниципаль районы башлыгы

Айгөл Ахмедова тәрҗемәсе