Баулыда Пенсия фонды хезмәткәрләре арасында спартакиада узды

Спартакиадада 11 төркем катнашты. Азнакай, Әлмәт, Актаныш, Бөгелмә, Баулы, Ютазы, Зәй, Лениногорск, Мөслим, Түбән Кама, Сарман районнарыннан һәм Яр Чаллы шәһәреннән 125 спортчы чыгыш ясады.

Ярышлар мини-футбол, гер спорты, вакыт билгеләп чүгәләү, йөзү, идәннән сыгылу, волейбол кебек спорт төрләре буенча уздылар. Жюри әгъзәләре арасында Фәйрүз Хәрисов (мини-футбол), Светлана Каюмова (волейбол), Иван Стекольников (гер спорты), Альберт Вәлиев (вакыт билгеләп чүгәләү, идәннән сыгылу, Ольга Домосканова (йөзү) булдылар.

Нәтиҗәләр:

1 урын – Яр Чаллы шәһәренең төркеме

2 урын – Лениногорск шәһәренең төркеме

3 урын – Минзәлә шәһәренең төркеме

Призлы урын алган барлык төркемнәр медальләр һәм дипломнар белән бүләкләнделәр.

Айгөл Әхмәдова тәрҗемәсе