Курск өлкәсенә "Нәфис" фондыннан ике фура гуманитар ярдәм җибәрелде
Бүген Курск шәһәренә гуманитар ярдәм кабул итү складларына Казаннан «Нәфис» фондыннан хәйрия йөкләре төялгән ике фура килде. Ярдәм составына көнкүреш химиясе: кер юу порошоклары, коры чистарткычлар, савыт-саба юу сыеклыклары, каты һәм сыек сабыннар кергән. Фонд барлыгы 23 323 берәмлек продукция тапшырган, аларның гомуми авырлыгы 34,4 тонна, суммасы 7 млн.сумнан артык.
"Бу җибәрү - зыян күргән төбәкләргә һәм авыр тормыш хәлендә калган халыкка ярдәм итү буенча системалы эшебезне дәвам итү. Без гигиенаның база предметларының гадәттән тыш хәлләрдә кешеләр өчен бик мөһим булуын беләбез. Безнең ярдәм зыян күргән гаиләләргә, мәктәпләргә, хастаханәләргә һәм башка социаль объектларга хәлне яхшыртырга ярдәм итәр дип өметләнәбез», – ди РФ Дәүләт Думасы депутаты, «Нәфис» БФ оештыручысы Ирек Богуславский.
Исегезгә төшерәбез, Ирек Богуславский инициативасы белән 2014 елдан комплекслы программа гамәлдә, аның кысаларында Россия Федерациясенең яңа кушылган төбәкләренә, зыян күргән чик буе өлкәләренә, шулай ук эвакуацияләнгән кешеләргә даими рәвештә гуманитар ярдәм җибәрелә. Барлыгы беренчел кирәкле товарлар белән 41 фура җибәрелгән, шуларның 37се – СВО башланганнан бирле. Яңа җибәрүне дә исәпкә алып, гуманитар ярдәмнең гомуми авырлыгы - 750 тонна тирәсе. Җибәрүләрнең төп өлешен «Нәфис Косметикс» компаниясе җитештергән көнкүреш химиясе тәшкил итә.
Белешмә:
«Нэфис» хәйрия фонды Россия Дәүләт Думасы депутаты Ирек Богуславский инициативасы белән 2023 елның көзендә төзелде. Ул фонд советын җитәкли, аңа шулай ук РФ атказанган тренеры Владимир Алекно да керә. Фондның Попечительләр советы составында - «Нәфис Косметикс» АҖ генераль директоры Дина Лаврикова һәм «Казан май комбинаты» АҖ Директорлар советы рәисе Дмитрий Самаренкин.
«Нәфис» фондының хәйрия акцияләрендә аның вәкилләре белән электрон почта аша элемтәгә кереп катнашырга мөмкин: bfnefis@yandex.ru.
Фонд сайты https://fondnefis.ru/