Татарстанда яңа төелешләргә ихтыяҗ 40% ка диярлек арткан
Агымдагы елның февралендә Татарстан Росреестры тарафыннан өлешләп төзелештә катнашу буенча 1 573 килешү теркәлгән булса, бер ел алдан – 1 138 булган .
Шул ук вакытта 2025 елның гыйнварына карата теркәлгән өлешләп төзелештә катнашу саны 14,7% ка арткан - 1 372 дән 1 573 кә кадәр.
2025 елның беренче ике аенда төбәктә өлешләп төзелештә катнашу өчен 3 меңгә якын килешү теркәлгән. Төбәк Росреестры мәгълүматлары буенча, бу узган елның шул ук чоры белән чагыштырганда 17,8% ка күбрәк, ул вакытта 2 501 өлешләп төзелештә катнашу теркәлгән.
«Агымдагы елның февраль аенда алынган мәгълүматларга караганда, Татарстанда күчемсез милекнең беренчел базарында уңай динамика күзәтелгән. Әгәр дә бу елның гыйнвары узган елның гыйнварыннан аерылмаса, февральдә сатып алучылар активлыгы сизелерлек арткан – быелның гыйнварына карата да, узган елның февраленә карата да. Бу тенденциянең ни дәрәҗәдә тотрыклы булуын вакыт күрсәтер», - дип билгеләп үтте Татарстан Росреестры җитәкчесе урынбасары Лилия Борһанова.
2025 елның гыйнвар-февралендә күчемсез милек объектларына карата теркәлгән хокукларның һәм башка исәпкә алу-теркәү гамәлләренең гомуми саны 150 меңгә якын тәшкил итте.