«ЭКОяз 2025» республика конкурсы старт ала
Агымдагы елда Конкурс Экологик марафон форматында узачак. Конкурста теләге булган һәркем шәхси номинацияләрдә дә, командаларга берләшеп тә катнаша алачак.
«ЭКОяз-2025» республика конкурсын уздыру буенча Юл картасы
1. Конкурс дәвамында катнашучылар марафон биремнәрен үтиләр (һәр атна аерым тематикага багышлана);
2. Башкарылган бирем турындагы мәгълүматны катнашучылар «Вконтакте» социаль челтәрендәге үз битендә бастырып чыгаралар (конкурс уздыру вакытына социаль челтәрдәге бит ачык булырга тиеш);
3. Катнашучылар, сылтамаларны күрсәтеп, 1 нче кушымта нигезендә Хисап төзиләр;
4. Һәр атна ахырында отчетларны оештыручының Eco.pros@tatar.ru электрон адресына җибәрәләр;
5. Эшләр 2025 елның 1 апреленнән 25 маена кадәр кабул ителә.
* "Экопомощник" номинациясендә катнашучылар шәхси мәгълүматларны эшкәртүгә ризалыкларын 2 нче кушымта нигезендә тутыралар һәм оештыручының электрон адресына җибәрәләр.