Кузьминнар гаиләсе Баулы районын "Эхо веков в истории семьи - Тарихта без эзлебез"фестиваленең зона этабында тәкъдим итте
Ел саен Татарстан Республикасының архив эше буенча Дәүләт комитеты «Эхо веков в истории семьи — Тарихта без эзлебез» шәҗәрә фестивале уздыра. Чара шәҗәрә традицияләрен саклауга һәм үстерүгә, гаилә багланышларын һәм буыннар дәвамчанлыгын ныгытуга, киң җәмәгатьчелекнең Татарстан һәм үз гаиләсе тарихына кызыксынуын җәлеп итүгә юнәлдерелгән.
Фестивальнең муниципаль этабында җиңүче булган Кузьминнар гаиләсе Сарман авылында узган конкурсның зона этабында катнашты.
Фестивальнең зона этабында республикабызның 9 районыннан: Азнакай, Әлмәт, Баулы, Бөгелмә, Лениногорск, Мөслим, Сарман, Чирмешән, Ютазы районнарыннан гаиләләр катнашты.
Фестивальнең беренче этабында катнашучылар гаиләләрендә әзерләнгән милли ризыкларны тәкъдим иттеләр.
«Таныш булыгыз, минем гаиләм, минем нәсел! " гаилә командалары конкурсының икенче этабында катнашучылар матур концерт номерлары һәм үз шәҗәрәләрен тәкъдир иттеләр.
Жюри нәтиҗәләре буенча Кузминнар гаиләсе дүртенче урынны алды. Зур, тату гаиләне уңышлы чыгышлары белән чын күңелдән котлыйбыз!