Мәҗбүри маркировкаланырга тиешле җиңел сәнәгать товарлары исемлеге

Татарстан Республикасы Сәнәгать һәм сәүдә министрлыгы мәҗбүри маркировкаланырга тиешле җиңел сәнәгать товарлары исемлегенең киңәюе турында хәбәр итә. Россия Федерациясе Хөкүмәтенең 2024 елның 29 июнендәге 883 номерлы карары нигезендә, яңа таләпләр 2025 елның 1 мартыннан гамәлгә керәчәк.

Җиңел сәнәгать товарларын маркировкалау әйләнештә катнашучыларның барысына да — җитештерүчеләргә, күпләп һәм ваклап сатучыларга кагыла. Маркировка кагыйдәләрен бозу административ җаваплылыкка китерергә мөмкин.

Җиңел сәнәгать товарларын җитештерүчеләр һәм импортлаучылар өчен махсус кодлар генерацияләнәчәк. Маркировкалау буенча эш операторы — «Перспектив технологияләрне үстерү үзәге» ҖЧҖ (ЦРПТ) - әйләнештә катнашучыларның исемлеген алып бара һәм мәгълүмат системасы эшен күзәтә.

Җиңел сәнәгать товарларын сатканда маркировка булмаган өчен административ җаваплылык каралган. Гражданнар өчен штраф 1000 сумнан 2000 сумга кадәр, вазыйфаи затлар өчен — 10 000 сумнан 20 000 сумга кадәр, эшмәкәрләр өчен — 20 000 сумнан 30 000 сумга кадәр, юридик затлар өчен 100 000 сумнан 300 000 сумга кадәр тәшкил итә.

Маркировка турындагы мәгълүмат белән тулырак httрs://честныйзнак.рф/business/projects/light_industry/marking/manufacturer/launch_dates/ сайтында танышырга мөмкин.

Маркировкалауның мәгълүмати системасы белән эшләгәндә сораулар яки кыенлыклар килеп чыккан очракта, операторга техник ярдәм күрсәтү хезмәтенә support@crpt.ru электрон почтасы аша яисә 8-800-222-15-22 телефоны буенча мөрәҗәгать итәргә мөмкин. Күңелсез нәтиҗәләрне булдырмас өчен җиңел сәнәгать товарларын маркировкалау өлкәсендәге соңгы яңалыклардан һәм таләпләрдән хәбәрдар булыгыз.