Ветераннар һәм хәрби операциядә катнашучылар өчен "Батырлар. Татарстан Геройлары" программасын эшләтеп җибәрү турында игълан ителде
Кадерле татарстанлылар, Ватанны саклаучылар!
Бүген махсус хәрби операция зонасында меңләгән татарстанлы, хәрби бурычларын намус белән үтәп, Ватаныбыз иминлеген саклыйлар, илебезнең киләчәге өчен көрәшәләр.
Сезнең патриотлык, батырлык һәм каһарманлык – безнең барыбыз өчен дә үрнәк. Сезнең уникаль тәҗрибәгез, белемнәрегез алга таба да мөһим дәүләт бурычларын хәл итүдә зур роль уйнар.
Ватанны саклаучылар елында 18 февральдән башлап без ветераннар һәм махсус хәрби операциядә катнашучылар өчен "Батырлар. Татарстан геройлары" программасын ачып җибәрәбез. Ул илебез Президенты йөкләмәсе буенча эшләнгән "Геройлар вакыты" федераль программасы аналогы. Аның максаты - дәүләт һәм муниципаль идарә системасында, шулай ук башка өлкәләрдә вазыйфаларны биләү өчен перспективалы җитәкчеләр командасын формалаштыру һәм әзерләү. Барлык кирәкле мәгълүмат https://batyrlar-rt.ru интернет-сайтында урнаштырылган.
Хөрмәтле ветераннар һәм махсус хәрби операциядә катнашучылар! Сезнең "Батырлар. Татарстан геройлары" программасында актив катнашуыгызга ышанып калам. Әлеге программа республикабызның һәм илебезнең алга таба үсеше һәм чәчәк атуы хакына, сезнең идарә итү потенциалыгызны һәм лидерлык сыйфатларыгызны ачуга юнәлдерелгән.