700 гә якын баулылы «Россия чаңгы юллары»на кушылды
Катнашучылар һәм җанатарлар сыйфатында Баулы районы Башлыгы урынбасары Ринат Хәмидуллин, Башкарма комитет җитәкчесенең социаль мәсьәләләр буенча беренче урынбасары Илмира Хөснуллина, «Баулы шәһәре» муниципаль берәмлеге Башкарма комитеты җитәкчесе Станислав Соколов катнашты.
Катнашучыларны Баулы районы Башлыгы урынбасары Ринат Хәмидуллин сәламләде.
Тантаналы шартларда хезмәт коллективлары һәм авыл җирлекләре арасында ГТО фестиваленең муниципаль этабы йомгаклары яңгырады.
1 урында - Кызылъяр авыл җирлеге, 2 урында - «Алойл» ЯАҖ һәм 3 урында - 12нче балалар бакчасы.
Командалар дипломнар һәм медальләр белән бүләкләнде.
Шулай ук Баулы районы мәктәпләре арасында ГТО Кышкы фестивале йомгаклары яңгырады.
Шәһәр мәктәпләре арасында:
1 урын - 2 нче мәктәп
2 урын - 5 нче мәктәп
3 урын - 3 нче мәктәп.
Авыл мәктәпләре арасында:
1 урын – Кызылъяр мәктәбе
2 урын – Потап Томбарлы мәктәбе
3 урын - Александровка мәктәбе.
Командалар дипломнар белән бүләкләнде.
Тантаналы өлештән соң сүзне ярышларның баш хөкемдары, чаңгы ярышлары буенча тренер Рөстәм Әгъзамовка бирделәр. Ул ярышлар программасын яңгыратты һәм катнашучыларга ярышлардан яхшы тәэсирләр алуларын теләде.
Ярышларда төрле яшьтәге һәм әзерлек дәрәҗәсендәге чаңгы спортын яратучылар: спортчылар, мәктәп укучылары һәм нәниләр катнашты. Алар барысы да дистанцияне үтү вакытында махсус трассаларда ярыштылар. Ярышлар өчен 500 метр, 1 км, 2 км, 3 км һәм 5 км га чаңгы трассалары әзерләнгән иде.
Барлык җиңүчеләр һәм призерлар грамоталар һәм медальләр белән бүләкләнделәр, шулай ук «Россия чаңгы юллары» башлыгына ия булдылар.