Баулыда махсус хәрби операциядә катнашучыларның балалары өчен Яңа ел бәйрәме узды

2024 елның 26 декабре, пәнҗешәмбе

Яңа ел - иң матур һәм күңелле бәйрәмнәрнең берсе, тылсым һәм теләкләрне үтәү вакыты. Балалар аны аеруча дулкынланып көтә. Залда утыручыларны якынлашып килүче Яңа ел бәйрәме белән Баулы муниципаль районы башлыгы Ильяс Гозәеров котлады. Ул барысына да сәламәтлек, укуларында уңышлар һәм якыннарының исән-сау әйләнеп кайтуларын теләде!
Театральләштерелгән тамашадан соң балалар рәхәтләнеп чыршы янында күңел ачтылар. Кыш Бабайга шигырьләр сөйләделәр, җырлар җырладылар һәм биеделәр.