Баулының хезмәт ветераны Клавдия Горбунова үзенең 90 яшьлек юбилеен билгеләп үтте
Клавдия Александровна да, яшьтәшләренең күбесе кебек үк, сугыш елларының барлык авырлыкларын кичергән кеше. Бөек Ватан сугышы чорындагы фидакарь хезмәте өчен ул орден һәм медальләр белән бүләкләнә.
Ире Михаил белән өч кыз тәрбияләп үстерәләр. Хәзер ул 8 оныгының һәм 12 оныкчыгының бәхетле әбисе.
Юбилярның хезмәт стажы 35 елдан артык. Пенсиягә чыкканчы ул «Рябинка» балалар бакчасында эшләгән.
Бүгенге көндә Клавдия Александровна кызы Валентина тәрбиясендә яши.
Юбилярны Башкарма комитет җитәкчесенең социаль мәсьәләләр буенча урынбасары Илмира Хөснуллина, шулай ук Нефть һәм газ чыгару идарәсенең ветераннар советы рәисе котлады. Кунаклар юбилярга фидакарь хезмәте өчен рәхмәт белдерделәр, сәламәтлек, озын гомер һәм якыннарының җылысын тоеп яшәвен теләделәр.