Баулы шәһәре прокуратурасы тарафыннан мәгариф учреждениеләрендә туклануны оештыруда хокук бозулар ачыкланды
Азык-төлек продуктларын саклау өчен склад бүлмәсендә һаваның чагыштырмача дымлылыгын һәм температурасын үлчәү приборына (психрометрик гигрометр) су тутырылмаган, бу патоген микроорганизмнарның үрчү өчен шартлар барлыкка килү куркынычын тикшереп тору максатларында склад бүлмәсенең температура һәм чагыштырмача дымлылык күрсәткечләрен көндәлек тикшереп торуның алып барылмавын күрсәтә, бу «Халыкның санитар - эпидемиологик иминлеге турында» 1999 елның 30 мартындагы 52-ФЗ номерлы Федераль законны бозу булып тора.
Моннан тыш, азык-төлек продуктларының товар күршелеге бозылуга да юл куела. Мәсәлән, балыкны саклау өчен суыткычта азык-төлек блогы хезмәткәренең итен һәм шәхси продуктларын (туңдырылган җиләк, сыер мае) саклау рөхсәт ителми, бу "Халыкның җәмәгать туклануын оештыруга санитар-эпидемиологик таләпләр". 3.2 п. СП 2.3/2.4.3590-20 бозу булып тора.
Мәктәп ашханәсендә тәүлек пробалар тулы күләмдә сайлап алынмый; тәүлеклек пробалар маркировкаланмаган савытларда алына. «Туклану рационын контрольдә тоту ведомосте» журналлары, тиз бозыла торган азык-төлек продукциясе бракеражы журналлары алып барылмый.
Моннан тыш, мәктәп ашханәсендә тулы медицина тикшерүеннән башка хезмәткәр эшли. Мәсәлән, завхоз Г.Г. Гомәровада эшкә кергәндә патоген стафилококк булу-булмавына тикшерү юк, бу «Балалар һәм яшьләрне тәрбияләү һәм укыту, ял итү һәм сәламәтләндерү оешмаларына санитар-эпидемиологик таләпләр» 1.5 п.СП 2.4.3648-20 бозу булып тора.
Әлеге факт буенча «Исергәп урта гомуми белем бирү мәктәбе» директорына карата, РФ КоАП 6.7 маддәсенең 1 өлеше буенча - балаларның ялы һәм сәламәтләнүе, аларны тәрбияләү һәм укыту шартларына, техник, шул исәптән аудиовизуаль һәм тәрбия һәм укытуның башка чараларына карата санитар-эпидемиологик таләпләрне бозу - административ хокук бозу турында эш кузгатылды.
Роспотребнадзор җитәкчесе карары белән мәктәп директоры 3000 сум күләмендә штраф рәвешендә административ җаваплылыкка тартылды. Шундый ук хокук бозулар Новозареченск төп гомуми белем бирү мәктәбендә, Кызылъяр урта гомуми белем бирү мәктәбендә дә ачыкланды, аларның директорлары да прокурор карары буенча 3000 сум күләмендә штраф рәвешендә административ җаваплылыкка тартылды.