Ватан Геройлары көне уңаеннан Баулыда митинг узды

2024 елның 9 декабре, дүшәмбе

Ватан Геройлары көне барлык буыннарны берләштерде - Мәңгелек ут янына район җитәкчелеге, мәгариф оешмалары, яшьләр эшләре бүлеге, полиция, район ветераннар Советы коллективлары, мәктәп укучылары, аграр көллият укучылары җыелды. 

Митингта Ватан Геройларына хөрмәт һәм рәхмәт сүзләре яңгырады һәм Мәңгелек утка венок салынды.

Бүген баулылылар сугыш кырларында кулларына корал тотып сугышканнарны гына түгел, ә хәзерге вакытта үз иленә хезмәт итеп, батырлык күрсәтүчеләрне дә искә алалар. Безнең заман геройлары - махсус хәрби операция геройлары Россиянең куәтен ныгытып, катлаулы бурычларны хәл итә. Алар дәрәҗә, намус, кыюлык үрнәге. 

Герой-якташлар мемориалы янында почетлы караулны 5-нче мәктәпнең «Юнармия» отряды активистлары үтәде.

Тантаналы митинг якташ сугышчылар һәйкәленә чәчәкләр салу белән тәмамланды.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International