Хәрбиләргә туган як чәе

2024 елның 9 декабре, дүшәмбе

Ел саен 5 декабрьдә билгеләп үтелә торган Волонтёр көнендә өлкән буын аралашу үзәге активистлары, Баулы районы клиент хезмәте хезмәткәрләре белән берлектә, МХО зонасына гуманитар ярдәмне чираттагы җибәрүгә әзерләделәр һәм үз куллары белән пакетларга, шифалы үләннәрдән чәй тутырдылар.

Җыелган тартмалар МХО ярдәм итү үзәгенә китерелгән. Биредә көн саен хатын-кыз волонтерлар маскировка челтәрләре һәм башка кирәкле әйберләр әзерлиләр. Өлкән буын аралашу үзәге активистлары да игелекле эштә актив катнаша.