«Продукцияне экспортлау юллары» темасына вебинар

27 ноябрь көнне 11:00 сәгатьтә "Татарстан Республикасы эшмәкәрлекне яклау фонды" коммерцияле булмаган микрокредит компаниясенең экспортны яклау үзәге "Продукцияне экспортлау юллары" темасына вебинар үткәрәчәк.

Вебинарда Россия почтасы белән экспорт логистикасының аспектлары һәм мөмкинлекләре,  географиясе, чит илгә җибәрү өчен төп почта хезмәтләре, өстәмә сервислар, шулай ук халыкара маркетплейсларга чыгу каралачак. Экспортны яклау үзәге республиканың экспортка юнәлтелгән предприятиеләренә ярдәм итүнең чит илләргә продукция әзерләүгә һәм җибәрүгә юнәлдерелгән төбәк һәм федераль чаралары турында сөйләячәк.

Чарага теркәлү 26 ноябрьгә кадәр түбәндәге сылтама буенча башкарыла: https://forms.gle/u3eDu5HUDpkjt52W9.

Вебинарга теркәлү мәсьәләләре буенча экспортны яклау үзәгенең эшмәкәрләр белән эшләү бүлегенең әйдәп баручы белгече Витушкин Александрга +7 (843) 222-90-60 (доб. 279) телефоны аша мөрәҗәгать итәргә.