Баулылар игътибарына: хокукый ярдәм күрсәтү өчен гражданнарны кабул итү булачак
Гражданнарны бердәм кабул итү көне кысаларында 10 гыйнвар көнне 14.00 сәгатьтән 16.00 сәгатькә кадәр түбәндәге адрес буенча: Баулы шәһәре, Энгельс урамы, 44 нче йорт, әтисе яки әнисе алимент түләүдән читләшкән балалы гаиләләргә хокукый ярдәм күрсәтү өчен, Баулы муниципаль районы башкарма комитеты, прокуратура, опека һәм попечительлек органнары, халыкны социаль яклау бүлеге, Федераль җәзаларны үтәтү хезмәте, Баулы суд приставлары вәкилләре, адвокатлар һәм нотариуслар катнашында кабул итү булачак.
Бердәм кабул итү көннәре һәр айның беренче сишәмбесендә Баулы муниципаль районының “Милосердие” халыкка социаль хезмәт күрсәтү үзәгендә (Баулы шәһәре, Энгельс урамы, 44 йорт) 14.00 сәгатьтән 16.00 сәгатькә кадәр узачак.
Кабул итүгә язылу өчен телефон: (85569) 5-50-30