Бүген Баулы районында терроризмга каршы комиссиянең һәм оператив төркемнең чираттан тыш утырышы узды
88 нче мәктәптә булган фаҗигале вакыйгалар белән бәйле рәвештә, бүген Баулы районында терроризмга каршы комиссиянең һәм оператив төркемнең чираттан тыш утырышы узды. Анда район башлыгы Ильяс Гозәеров куркынычсызлык чараларын тәэмин итүгә һәм көчәйтүгә юнәлдерелгән бурычларны куйды.
Район учреждениеләрендә, беренче чиратта, мәгариф һәм сәламәтлек саклау учреждениеләрендә, террорчылыкка каршы куркынычсызлыкның барлык инженер-техник чараларын төзекләндерергә (хәвеф-хәтәр төймәләре, камералар һ.б.), булган җитешсезлекләрне тиз арада төзәтергә кирәк.
Ильяс Гозәеров билгеләп үткәнчә, куркынычсызлык баулыларның уяулыгына да бәйле: «Шикле кешеләргә, предметларга игътибар итегез. Сезгә шикле тоелган бөтен нәрсә турында шундук хокук саклау органнарына хәбәр итәргә кирәк ".
☎ Полиция хезмәткәрләре - 02, 8 (85569) 5-13-02; ашыгыч ярдәм телефоны 112.