Баулы туган як музее “Музейда төн” халыкара акциясенә кушылды.

Дулкынланабыз, мон­дый чараны беренче тап­кыр үткәрәбез бит, - дип кичерешләре белән уртак­лашты директор Раиса Нурисламова.

Әмма дулкынланулары юкка булган икән, кичә ма­тур үтте. Музейга кунакка килгән баулылылар биредә төнге уникегә кадәр генә түгел, таңга кадәр калырга да риза иделәр.

Хатирәләр дөньясында

Әлеге гадәти булмаган кичә истәлекләрдән баш­ланды. Музей хезмәткәре Ирина Бәдертдинова “Пионерия утравына сәяхәт” үткәреп, музей кунакларын пионер балачаклары­на алып кайтты. Балалар хәрәкәте тарихы турын­да сөйләгәндә, ул безнең районга караган кайбер мәгълүматларны да китер­де. Мәсәлән, райондагы беренче пионерлар отря­ды Баулы авылында түгел, ә 1925 елда Потап-Том- барлыда барлыкка килгән. Ул шулай ук Хәнсевәр авылының беренче пионе­ры Денис Сафиуллинның 1930нчы еллар турындагы истәлекләре белән дә та­ныштырды. “Мин ул вакыт­та бер ялгызым идем, мине бөтенесе күралмады, чөнки галстук тагып йөрдем, Ал­лага ышанмыйм дидем, ләкин озакламый минем дусларым барлыкка килде", -дип язылган хатирәләрдә. Ул вакытта пионерларның отчетлары кыска 'булган: “Карт кешеләргә су ташыр­га ярдәм иттем”, “Әнине ликбез буенча түгәрәккә йөрергә      күндердем”,

“Күршемне дога укымаска ризалаштырдым”.

Акциядә катнашучылар үз хатирәләре белән ур­таклаштылар, икенче тап­кыр пионерлыкка кабул ителделәр.

-Монда вакытсизелмичә үтә, - диде безгә кичәгә кызы белән бергә килгән Гүзәл Минәҗетдинова. - Мйне бүген кабат пионерга алдылар, шул вакытта кай­чандыр кичергән хисләр әле дә күңелемнеңбер поч­магында яшәвен аңладым. Аеруча бергәләп җыр баш­каргандагы бердәмлек хисе сагындырган.

Курчаклар да терелә монда

Акциянең икенче өлеше икенче каттагы күргәзмә залында үтте, анда Әлфия Фәттахова гадәти булма­ган экскурсия үткәрде.

Экспозициядә районы­бызның авыллар барлык­ка килгән чордан башлап бүгенге көнгә кадәрге тари­хы чагылдырыла. Кунаклар авыл йорты күренеше яны­на килгәч, анда утырган ике "курчак" әби бер мәлне җанланмасынмы! Үткән гасыр башында тегелгән күлмәкләр кигән “әбиләр” М. Җәлил исемендәге мәдәният йорты директо­ры Зөлфия Җәлилова һәм халыкның ялын оешты­ру бүлеге мөдире Алена Иргалиева булып чыкты. Алар борынгы йорт кирәк- яракларын, әбиләребез алардан ничек файдалан­ганын күрсәттеләр.

Безнең “терелүебезне” күреп, кешеләр башта көлештеләр, ә бер егет хәтта куркып китте. Кичәгә әзерләнгәндә, без үзебез дә яңа әйберләр белдек. Әбиләребез кебек, йон эрләп карамакчы идек, ба­рып чыкмады, - диделәр алар.

Кичәнең иң дулкынлан­дыргыч өлеше Бөек Ва­тан сугышында катнашкан якташларыбыз турында сөйләү, Яна Гафиеваның фронт хатларын укуы булгандыр.