Өченче көн Мортаза авылында яңа фельдшер- акушерлык пункты (ФАП) ачылды.

Беренче ме­дицина ярдәмен модернизацияләү про­граммасы ярдәмендә Кырымсарай авыл җирлегенә керүче Мор­таза авылында ике ай эчендә модульле яңа фельдшер-акушерлык пункты сафка басты. Әлеге ачык кызгылт- сары төстәге бина ерак­тан ук күренеп тора.

Бу әле Баулы райо­нында яңа буын фельдшер-акушерлык пунктларының икен­чесе генә - беренчесе Иске Чүте авылында төзелде. Шушы көннәрдә төзүчеләр шундый ук бина төзү өчен Шәмәй авылында җиргә су­байлар     кактылар.

Район үзәк хастаханәсе җитәкчелеге әйтүенчә, әлеге республика про­граммасын тормышка ашыру 2016 елга кадәр дәвам итәчәк һәм та­гын берничә торак пун­ктта шундый ФАПлар төзеләчәк.

Моңа кадәр медпункт почта бүлекчәсе белән бергә бер катлы элек­ке башлангыч, мәктәп бинасында урнашкан иде. Хәзер Мортаза халкына беренче ярдәм уңайлы шартларда күрсәтеләчәк. Социаль әһәмияттәге объектны ачу тантанасына килгән авыл кешеләренең сөенечләре йөзләренә чыккан иде.

-               Бу безнең өчен зур бүләк. Без яңа медпунктның шундый матур, заманча, анда барлык кирәк-яраклар булачагын күз алдына да китермәгән идек. Без фельдшерыбыз өчен дә бик шатбыз, чөнки ул авылда алыштыргысыз кеше, - диләр авылның өлкән яшьтәге кешеләре Мөнирә апа Габдул­лина һәм Әлфия апа Шәрифуллина.

Безне үзенең яңа эш урыны белән таныш­тырган ФАП мөдире Рәзинә Мөгыйнованың да сөенече зур иде. Бе­ренче ярдәм күрсәтү бүлмәсендә авырулар өчен барлык уңайлыклар да тудырылган. Паци­ентларны кабул итү ка­бинеты, процедуралар үткәрү өчен аерым бүлмә бар. ФАП яңа җиһазлар белән тәэмин ителгән.

Суыткычлар, гинеколо­гия креслосы, һава стери­лизаторы - бу биредәге җиһазларның тулы исем­леге түгел әле. Бинада санузел, хуҗалык блогы, көнкүреш бүлмәсе дә бар.

Мондый шартлар турында без элек хы­яллана гына идек, - ди 23 еллык стаж тупла­ган фельдшер Рәзинә Мөгыйнова. Минем тәҗрибәм һәм биредә тудырылган хезмәт шартлары пациентла­рыма квалификация­ле медицина ярдәме күрсәтергә мөмкинлек бирер, дип өметләнәм. Авылда 403 кеше яши, шуларның 112се-пенсионер, 4се - бер яшьләре тулмаган балалар, бсы - авырлы хатын-кызлар.