Кеше хокуклары буенча вәкаләтле вәкил һәм Татарстан Республикасының архив эше буенча дәүләт комитеты рәисе гражданнарны кабул итә
2021 елда Татарстан Республикасында Кеше хокуклары буенча вәкаләтле вәкил дәүләт органнары җитәкчеләре белән гражданнарны уртак кабул итүе практикасы дәвам итә.
26 августта 15.00 сәгатьтән 17.00 сәгатькә кадәр Татарстан Республикасында Кеше хокуклары буенча вәкаләтле вәкил Аппаратында (Казан шәһ., Карл Маркс ур., 61) Татарстан Республикасында Кеше хокуклары буенча вәкаләтле вәкил һәм Татарстан Республикасы Архив эше буенча Дәүләт комитеты рәисе гражданнарны кабул итәчәк.
Шулай ук республиканың муниципаль районнарында яшәүчеләр үз сорауларын Татарстан Республикасы Дәүләт комитетының архив эше буенча рәисенә һәм Татарстан Республикасында Кеше хокуклары буенча вәкаләтле вәкилгә «Skype» программасы аша турыдан-туры тоташу юлы белән бирү мөмкинлеге булачак.
Сәрия Сабурская һәм Гөлнара Габдрахмановага мөрәҗәгать итәргә теләгән республика халкына алдан ук (843) 236-41-80 телефоны аша язылырга һәм билгеләнгән вакытка вәкаләтле вәкилнең җәмәгать ярдәмчесе кабул итү бүлмәсенә яисә Татарстан Республикасында Кеше хокуклары буенча вәкаләтле вәкил Аппаратына килергә кирәк.