Баулыларны каты көнкүреш калдыкларын чыгарган өчен тарифлар билгеләү кызыксындыра
27 июльдә баулыларны район советы бинасында Татарстан Дәүләт комитеты рәисе урынбасары Лилия Борисова кабул итте. Кабул итү коммуналь хезмәтләргә бәяләр һәм тарифлар билгеләү мәсьәләләренә багышланган иде.
Кабул итүгә ике кеше килде, тагын бер баулылы телефон аша мөрәҗәгать итте.
Аларның барысын да каты коммуналь көнкүреш калдыкларын чыгарган өчен тарифлар билгеләү мәсьәләсе борчыды. Лилия Шакирҗанова спорт бүлегенең үзәкләштерелгән бухгалтериясендә эшли. Аның сүзләренә караганда, ТКО ны боз сараеннан алып чыккан өчен бәяләр бик зур.
- Мондый исәп-хисапның ни өчен икәнен беләсе килә - агымдагы елда 80 мең сум түләргә кирәк, - диде ул. - Боз сараенда 1000 утырту урыны бар, әмма аренаның болай тулганы юк. Бәлки, яңадан исәпләп булыр, - дип кызыксынды Лилия Шакирҗанова.
Аңа тулы булмаган йөкләнеш белән эш иткән өчен түләүне яңадан исәпләү уздырылмавы турында хәбәр ителде.
Шәһәрнең аскы өлешендә яшәүче пенсионер ханым җитәкчегә телефоннан мөрәҗәгать итте. Аның сүзләренә караганда, чүп-чар чыгарган өчен ул күпфатирлы йортларда яшәүчеләргә караганда күбрәк түли.
- Фатирда нигездә ризык әзерләүдән калдыклар барлыкка килә, ә шәхси секторда яшәүчеләрнең моңа өстәп йорт янындагы хуҗалык чүбе дә барлыкка килә. Шуңа күрә шәхси торак секторына норматив елына 2,56 кубометр тәшкил итә. Ә МКД халкы өчен - елына 2,36 кубометр, - дип хәбәр итте ул.