Татарстанда «Саумы, Казан» әдәби бәйгесе үткәрелә

2021 елның 14 июле, чәршәмбе

Казан мэриясе «Саумы, Казан» әдәби бәйгесе игълан ителүе турында искә төшерә. Әлегә конкурска гаризалар саны күп түгел.

Оештыручылар ачыклык кертүенчә, бәйгедә ике номинация каралган — 18 яшьтән 35 яшькә кадәр кешеләр һәм 35 яшьтән өлкәнрәкләр. Беренче урынга — 80 мең, икенче урынга — 50 мең, өченче урынга 30 мең сум биреләчәк. Акчалата премия ике номинациягә аерым бирелә.

Авторларның моңа кадәр беркайда да басылмаган әсәрләре каралачак. Катнашучыларның Казанда яшәве шарт түгел. Конкурсның игътибар үзәгендә — Казан шәһәре, үзләрен чын Казан кешесе итеп тоючы кешеләре, шәһәр тормышын сурәтләгән тарихлар.

Татар һәм рус телләрендә язылган хикәяләр 31 июльгә кадәр kazankonkurs2021@mail.ru электрон адресына кабул ителә.