Россия Дәүләт Думасы депутаты Равил Хөснуллин баулылар белән очрашты
11 июньдә, “Бердәм Россия” партиясеннән төрле дәрәҗәдәге депутатлар хисап тотуы кысаларында, VII чакырылыш Россия Дәүләт Думасы депутаты баулылар алдында эшчәнлеге нәтиҗәләре турында хисап тотты. Очрашуда Баулы шәһәр һәм район Советлары депутатлары, район активы, шәһәр һәм район халкы катнашты.
Депутат Равил Хөснуллин сүзләренә караганда, ул 66 закон проектын булдыруда катнашкан. Аларның 50се кабул ителгән, бастырылган, президент тарафыннан имзаланган һәм законлы көченә кергән. Равил Хөснуллин кыскача гына берничә закон проекты турында сөйләде.
Равил Хөснуллин сүзләренә караганда, алар укытучылар мәсьәләсен хәл иткән.
- Кызганыч, БДИны әзерләү һәм үткәрү укытучылардан күп вакыт һәм көч таләп итсә дә, бу эш түләнмәде. Һәм без педагогларга БДИ әзерләү һәм уздыру буенча эш өчен компенсация бирү турында төзәтмәләр керттек.
Шулай ук кабул дача амнистиясе, үзара салым, интернеттагы туркемнәргә кагылышлы закон проектлары турында сөйләде.