Баулы районы территориясендә санитар-экологик икеайлык йомгаклары
Кичә аппарат киңәшмәсендә Баулы муниципаль районы территориясендә санитар чистарту буенча санитар-экологик икеайлыкка йомгак ясады.
Икеайлык чорында барлыгы 667 куб.м. чүп чыгарылган, 5672 кеше, 138 берәмлектән артык техника җәлеп ителгән, 823 агач һәм 315 куак утыртылган, агач һәм куакларны санитар кисү башкарылган, балалар мәйданчыклары, тукталыш павильоннары, чүп контейнерлары буялган.
5 рөхсәтсез чүплек ачыкланган, бүгенге көндә барысы да бетерелгән.
Экологик хәлгә битараф булмаган шәһәр халкы "Трехгорка" территориясендә шимбә өмәсе үткәргән.
Баулылар «Россия суы» яр буе территорияләрен чистарту буенча чираттагы бөтенроссия акциясендә актив катнашкан.
Икеайлык башланганнан бирле мәктәпкәчә һәм урта белем бирү учреждениеләрендә экологик тәрбия кысаларында 10 чара үткәрелгән (экодәресләр, экобәйрәмнәр, конкурслар һәм акцияләр).