Баулы балалары балалар мәйданчыкларын урнаштыруны сорый
«Безнең ишегалды» программасы ярдәмендә Баулы ишегаллары территорияләре чистартылган һәм тәртипкә китерелгән. Әмма идеаль шомалык балаларга кызык түгел. Йортларда балалар мәйданчыклары кайчан урнаштырылачак?
Бу мәсьәләне Баулы районы башлыгы Рамил Гатиятуллин алдагы көнне аппарат киңәшмәсендә күтәрде. Шәһәр башкарма комитеты җитәкчесе Данияр Бакиров хәбәр иткәнчә, бу атна ахырына уен урам мәйданчыкларын тәэмин итүче тиешле материалларны Баулыга кайтарылырга тиеш. Шулай итеп, инде октябрь уртасыннан ук ишегалларында яңа балалар мәйданчыкларын урнаштыра башлаячаклар.
Әлбәттә, берничә ишегалдында уен җиһазлары урыныннан күчерелгән, ремонт эшләрен уздыру вакытына демонтажланган.
Рамил Гатиятуллин: "Нигә ишегалларын яңарту тәмамланганнан соң, балалар мәйданчыкларының булган элементлары урынына куелмаган?" - дип тә сорады. Баулы шәһәре башкарма комитеты җитәкчелегенә бу атна ахырына кадәр кайбер йортларда уен җиһазларын урнаштырырга кушылды.