30 августта Баулыда Республика көне, Нефтьчеләр көне һәм районның юбилее уңаеннан бәйрәм узачак
ТАССРның 100 еллыгына һәм районның 90 еллыгына, Нефть һәм газ сәнәгате хезмәткәрләре көненә багышланган бәйрәм чаралары якшәмбе көнне Баулы шәһәренең "Нефтьче" стадионында узачак. Санитария нормалары үтәләчәк: стадионга кергәндә барлык халыкның температурасын үлчәячәкләр, шулай ук металл детекторы урнаштырылачак.
Халыкка үзләре белән битлек алырга һәм социаль дистанцияне үтәргә киңәш ителә.
Шәһәр һәм район халкын 15.00 сәгатькә стадионга чакыралар - бу вакытта Баулы осталары ярминкәсе ачылачак, шулай ук мастер-класслар белән интерактив зоналар эшли башлаячак. Баулыларга шулай ук "Баулы фотоелъязмасы" күргәзмәсен карарга тәкъдим итәләр.
16.00 сәгатьтә Баулы районы артистлары, Татарстан Республикасы һәм Башкортстан йолдызлары катнашында концерт башлана. 21.00 сәгатьтә - бәйрәм фейерверкы.