Баулы районы авылларында юлларны төзекләндерәләр

2020 елның 30 июле, пәнҗешәмбе

Үзара салым программасында катнашу турындагы референдум вакытында авыл халкы акчаның бер өлешен юлларны ремонтлауга юнәлдерү өчен тавыш бирде. Нәтиҗәдә, Кырымсарайда һәм Мортаза авылында юлларга 80 мең сумлык ком-гравий катнашмасын сибү эше башкарылды.

Ике километрга якын юл ремонтланган, бу максатка 270 тонна ком-гравий катнашмасы кайтарылган. Авыл җирлеге башлыгы Дамир Шакирҗанов сүзләренә караганда, авыл җирлеге башкарма комитетында хәзер үз тракторлары бар, бу эшне җиңеләйткән. Аны былтыр откан грант хисабына сатып алганнар. Ә КамАЗ автомобилен җирле авыл хуҗалыгы оешмасы бүлеп биргән. 

Текст һәм фото: Кадрия Гыймазова